ქობულეთის მუნიციპალიტეტის სოფელ ზინეთში ხანძარი ლიკვიდირებულია, - ამის შესახებ report.ge-ს საგანგებო სიტუაციების მართვის სამსახურში განუცხადეს.
მათივე ცნობით, მთის ფერდზე ცეცხლი ეკალბარდს ეკიდა და დასახლებულ პუნქტზე ხანძრის გავრცელების საფრთხე არ არსებობდა.
ხანძრის ქრობის პროცესში მეხანძრე-მაშველების 40-კაციანი შემადგენლობა იყო ჩართული.
ადგილზე რთული რელიეფის გამო სახანძრო ტექნიკის მისვლა ვერ მოხერხდა.
ქრობის პროცესს ძლიერი ქარი ართულებდა.