საავტომობილო გზების დეპარტამენტის ინფორმაციით, ქობულეთის შემოვლითი გზა სრულად გაწმენდილია და ავტოტრანსპორტის მოძრაობა თავისუფალია.
მათივე ცნობით, გზის გაწმენდითი სამუშაოები ავტოსაგზაო შემთხვევის გამო შეფერხდა.
,,ორი ტრაილერის მოცურებამ მოძრაობის შეფერხება და საცობი გამოიწვია, რამაც 2-3 საათის განმავლობაში შეუძლებელი გახადა ადგილზე მობილიზებული ტექნიკის მიერ თოვლის საფარისგან გზის გაწმენდითი სამუშაოების წარმოება", - აცხადებენ გზების დეპარტამენტში.
ცნობისთვის, ქობულეთის შემოვლით გზაზე მოძრაობა პარალიზებული იყო.
