თბილისში, წმინდა მიქაელ მთავარანგელოზის სახელობის კლინიკური საავადმყოფოს ექიმი - რეანიმატოლოგი კორონავირუსით გარდაიცვალა.
სოფიო შინჯიაშვილის გარდაცვალების შესახებ კლინიკის "ფეისბუქის" გვერდზე ემოციური პოსტი ვრცელდება.
"დიდი ტკივილი მოგვაყენა ჩვენი კლინიკის ექიმი - რეანიმატოლოგის სოფიო შინჯიაშვილის გარდაცვალებამ.
მიხაილოვის საავადმყოფოს თითოეული თანამშრომელი უსამძიმრებს ოჯახს და გამოთქვამს გულწრფელ მწუხარებას.
დიდი დანაკლისია ასეთი მეგობრის, კოლეგის და პროფესიონალის დაკარგვა ჩვენთვის. ღმერთმა ნათელში ამყოფოს მისი სული!", - აღნიშნულია კლინიკის "ფეისბუქის" გვერდზე.