კორონავირუსისგან 529 პაციენტი გამოჯანმრთელდა. ამის შესახებ StopCov.ge-ს მიერ გავრცელებულ ინფორმაციაშია ნათქვამი. გამოჯანმრთელებულთა რაოდენობა გაიზარდა 224 718-მდე.
გასული დღე-ღამის განმავლობაში საქართველოში კორონავირუსის 2 058 შემთხვევა გამოვლინდა. შედეგად, ინფიცირების დადასტურებული შემთხვევების რაოდენობამ ქვეყანაში 238 086-ს მიაღწია.
გარდაიცვალა 22 პაციენტი. პანდემიის გავრცელებიდან დღემდე ვირუსს ჯამში 2 750 პირი ემსხვერპლა.
საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა.
პანდემიად კორონავირუსი ჯანდაცვის მსოფლიო ორგანიზაციამ 2020 წლის 11 მარტს აღიარა.
ჩინეთში პნევმონიის აფეთქება 2019 წლის დეკემბერში დაიწყო.
21 იანვარს ჩინეთმა დაადასტურა, რომ კორონავირუსი გადამდებია და ქვეყნის ორ ქალაქში კარანტინი გამოაცხადა.
