ზუგდიდის ინფექციური საავადმყოფოს ლაბორატორიაში 141 ნიმუშის კვლევა ჩატარდა. ყველა პასუხი უარყოფითია.
საზოგადოებრივი ჯანდაცვის ზუგდიდის ცენტრის ინფორმაციით, გამოკვლეულთა შორისაა ცხელების ცენტრის 17 პაციენტი, სამედიცინო სფეროს 27 წარმომადგენელი, შინაგან საქმეთა სამინისტროს 80 თანამშრომელი, სამი მძღოლი და დადასტურებული შემთხვევის ერთი კონტაქტი. ასევე კარანტინის რეჟიმიდან 11 პირი და თვითიზოლაციიდან 2 ადამიანი.
