საქართველოში კრიტიკულად მძიმე პაციენტების რაოდენობა 16-მდე გაიზარდა - ამის შესახებ ინფექციური საავადმყოფოს სამედიცინო დირექტორმა განაცხადა.
მარინა ეზუგბაიას თქმით, მძიმე პაციენტების რაოდენობამ 80-ს გადააჭარბა.
„კოვიდცენტრებში მყოფი პაციენტებიდან ამ ეტაპზე 16 გვყავს კრიტიკულად მძიმე. მძიმე პაციენტების რაოდენობა 80-ზე მეტია. დანარჩენების მდგომარეობა საშუალო და მსუბუქია“, – განაცხადა ეზუგბაიამ.
ბოლო 24 საათში, საქართველოში კორონავირუსის 193 ახალი შემთხვევა გამოვლინდა. ამ დროისთვის, ქვეყანაში კორონავირუსით ინფიცირებულთა რიცხვი 3 695-ს შეადგენს. გამოჯანმრთელებულთა რაოდენობა 40-ით გაიზარდა და ჯამში 1534-ია.
უცხოეთიდან სამკურნალოდ გადმოყვანილია საქართველოს 41 მოქალაქე.
ქვეყანაში კორონავირუსით სულ 20 პაციენტია გარდაცვლილი.
სალომე კაპანაძე
ავტორი