ქუთაისის ინფექციური კლინიკა კიდევ ერთმა გამოჯანმრთელებულმა პაციენტმა დატოვა.
შუა ხნის ქალს, ლაბორატორიულ კვლევაზე ორჯერ უარყოფითი პასუხი დაუფიქსირდა, რაც იმას ნიშნავს, რომ ის კორონავირუსისგან სრულად გამოჯანმრთელდა.
ამ დროისთვის, კლინიკაში 3 პაციენტი მკურნალობს. 49 პაციენტმა კი ვირუსი დაამარცხა.
ცნობისთვის, ბოლო 7 დღის განმავლობაში, ქუთაისის ინფექციურ კლინიკაში კორონავირუსის ახალი შემთხვევა არ დაფიქსირებულა.
საქართველოში, დღეს, კიდევ 10-მა პაციენტმა დაამარცხა კორონავირუსი და გამოჯანმრთელებულთა რაოდენობა 895 გახდა.