ქუთაისში, ზვიად გამსახურდიას ქუჩაზე, მსუბუქი ავტომობილების შეჯახების, ერთი ადამიანი დაიღუპა, რამდენიმე კი დაშავდა. ორი მათგანი კლინიკაშია გადაყვანილი. მათი ჯანმრთელობის მდგომარეობა მძიმეა.
შემთხვევა, დაახლოებით, ნახევარი სათის წინ მოხდა. თვითმხილველების ინფორმაციით, მოძრავი ავტომობილი მოცურდა და გაჩერებულ მანქანებს შეეჯახა.
შინაგან საქმეთა სამინისტროში report.ge-ს განუცხადეს, რომ გამოძიება სისხლის სამართლის კოდექსის 276-ე მუხლის მეექვსე ნაწილით მიმდინარეობს, რაც ტრანსპორტის მოძრაობის უსაფრთხოების წესების დარღვევას გულისხმობს, რამაც გამოიწვია ადამიანის სიცოცხლის მოსპობა.
