ქუთაისის ლაბორატორიაში კორონავირუსზე 174 პირის ბიოლოგიური ნიმუში გამოიკვლიეს. ყველა პასუხი უარყოფითია.
დაავადებათა კონტროლის იმერეთის სამმართველოს უფროსის, გოჩა გიორგიძის ინფორმაციით, კვლევა იმერეთის რეგიონში არსებულ სამედიცინო დაწესებულებებში მოთავსებულ პაციენტებს ჩაუტარდათ. ასევე გეგმურად გამოიკვლიეს სამედიცინო პერსონალის ნაწილი და საკარანტინო ზონებიდან გამსვლელი პირები.
იმერეთის რეგიონში არსებულ საკარანტინო სივრცეებში ამ დროისთვის 213 პირი იმყოფება.
