ორშაბათიდან მსუბუქი ავტოტრანსპორტის თავისუფლად გადაადგილდება, არ ნიშნავს იმ შეზღუდვების მოხსნას, რომელიც დაწესებული იყო საქალაქთაშორისო გადაადგილებაზე და იმ შეზღუდვების მოხსნას, რომელიც დაწესებული იყო დიდი ქალაქებისთვის: თბილისის, ქუთაისის, ბათუმის და რუსთავისთვის, - ამის შესახებ პრემიერ-მინისტრმა, გიორგი გახარიამ ბრიფინგზე განაცხადა.
მთავრობის მეთაურის თქმით, მოქალაქეებს რეგისტრაციის ან სამუშაოს ლოკაციაზე დაბრუნებისთვის 2 დღეს მისცემს.
შეზღუდვები შენარჩუნდება, მაგრამ იმის გათვალისწინებით, რომ ჩვენი შეზღუდვების დაწესება სააღდგომო დღესასწაულებს დაემთხვა და ჩვენი ბევრი მოქალაქე გასული იყო საცხოვრებელი ან თავისი სამუშაო ადგილიდან, ჩვენ გავაკეთებთ გამონაკლისს და 2 დღით, ორშაბათი და სამშაბათი, მოქალაქეებს შესაძლებლობა ექნებათ თავიანთი რეგისტრაციის ან სამუშაო ადგილებზე დაბრუნდნენ. ორი დღის შემდგომ, შესაბამისი შეზღუდვები, სატრანსპორტო გადაადგილებაზე საქალაქთაშორისო და ქალაქების ჩაკეტვის თვალსაზრისით, აღდგება“, - აღნიშნა გახარიამ.
შეგახსენებთ, ეკონომიკა ექვს ეტაპად გაიხსნება. პირველ ეტაპზე საავტომობილო გადაადგილების აკრძალვას გაუქმდება. მეორე და მესამე ეტაპზე ბიზნესსაქმიენობების არეალი გაფართოვდება.
ბელა გელაშვილი
ავტორი