საქართველოს სახალხო დამცველი ნინო ლომჯარია იმ გადაწყვეტილებას ეხმაურება, რომლის თანახმადაც, სააღდგომო წირვა-ლოცვას მრევლიც დაესწრება.
"სამედიცინო ენაზე, იესო ქრისტეს სიკვდილის უშუალო მიზეზად ასფიქსია სახელდება. დღეს ჩვენ რეანიმაციებში ადამიანები იგუდებიან... არაფერი შეცვლილა, ფარისევლებმა ისევ გაიმეტეს დაუცველი ადამიანები ჯვარცმისთვის, ხოლო ხელისუფალმა ხელები დაიბანა" - წერს ნინო ლომჯარია სოციალურ ქსელში.
დღესვე, სახალხო დამცველმა კიდევ ერთი განცხადება გაავრცელა და ხელისუფლებას უფრო მკაცრი ზომების მიღებისკენ მოუწოა. ნინო ლომჯაირა მიიჩნევს, რომ ამ დრომდე დაწესებული რეგულაციები ვერ უზრუნველყოფს მოქალაქეთა თავშეყრის შეზღუდვებს, რაც კორონავირუსის გავრცელების საფრთხეს ზრდის.
