კორონავირუსით ინფიცირების შემთხვევა მარნეულში დაფიქსირდა. ამის შესახებ ინფორმაცია კლინიკა "ჯეო-ჰოსპიტალსში" დაადასტურეს. კლინიკის სამედიცინო დირექტორმა ტატა შენგელიამ განაცხადა, რომ ამ დროისთვის, საავადმყოფოს დეზინფექცია უტარდება. აქ ელოდებიან დაავადებათა კონტროლის ცენტიდან ეპიდემიოლოგებსაც.
Report.ge-ს წყაროს ცნობით, პაციენტი კლინიკაში სამკურნალოდ სხვა დიაგნოზით 18 მარტს მივიდა, თუმცა, კორონავირუსით ინფიცირება დაუდასტურდა.
კლინიკის წარმომადგენლის განცხადებით, პაციენტს მაღალი რისკის მქონე ქვეყნებში მოგზაურობის გამოცდილება არ აქვს. მიმდინარეობს დაინფიცირების წყაროს მოკვლევა.
