აზერბაიჯანელი მწერლის და საზოგადო მოღვაწის ნარიმან ნარიმანოვის ძეგლის რესტავრაცია დასრულდა, რომელიც მარნეულის მერის, ზაურ დარგალის ინიციატივით განხორციელდა.
მარნეულის მუნიციპალიტეტის ხელმძღვანელობის ინიციატივით იმ პარკის განახლებაც მიმდინარეობს, სადაც ნარიმანოვის ძეგლია განთავსებული.
გორის სემინარიადამთავრებული აზერბაიჯანელი მწერალი და საზოგადო მოღვაწე, ნარიმან ნარიმანოვი ერთი პერიოდი მარნეულის სოფელ ყიზილგაჯლიში მასწავლებლად და ექიმად მსახურობდა.
წელს აზერბაიჯანელ მწერალს 150 წელი შეუსრულდებოდა.
