უკვე მეორე დღეა, მაშველები მტკვარში ახალგაზრდა კაცს ეძებენ.
სამძებრო სამუშაოებისას მაშველებმა მდინარეში, სავარაუდოდ, წლების წინ ჩავარდნილი მანქანა იპოვეს.
ცნობისთვის, 40 წლამდე კაცი მტკვარში გალაკტიონის ხიდის მიმდებარე ტერიტორიიდან გუშინ გადახტა.
მისი სამძებრო სამუშაოები 24 საათზე მეტია მიმდინარეობს.
საგანგებო სიტუაციების მართვის სამსახურის ცნობით, მაშველებთან ერთად ოპერაციაში ჩართულები არიან მყვინთავები, ადგილზე მობილიზებულია სასწრაფო-სამედიცინო ბრიგადები და საპატრულო პოლიციის ეკიპაჟები. ასევე, მიმდინარეობს ფსკერის სკანირებაც ექოლოტის საშუალებით.
