მესტიის მუნიციპალიტეტში, მდინარე მულხურაში გადავარდნილ ავტომანქანაში მყოფ პირს ამ დრომდე უშედეგოდ ეძებენ.
როგორც report.ge-ს საგანგებო სიტუაციების მართვის სამსახურში განუცხადეს, სამძებრო სამუშაოები დღეს დილიდან განახლდა.
მესტია-უშგულის გზის მონაკვეთზე ავტომობილი მდინარე მულხურაში გუშინ გადავარდა.
მანქანა სამაშველო ჯგუფებმა წყლიდან ამოიყვანეს, მამაკაცი კი ამ დრომდე იძებნება.
საქმეზე გამოძიება სისხლის სამართლის კოდექსის 276-ე მუხლის მე-2 ნაწილით მიმდინარეობს.
