საქართველოში კოვიდინფიცირებულთა რაოდენობამ, რომელთა ჯანმრთელობის მდგომარეობა მძიმეა, 75-ს გადააჭარბა. 11 პაციენტის მდგომარეობა კი, კრიტიკულად მძიმეა, - ამის შესახებ ინფექციური საავადმყოფოს სამედიცინო დირექტორმა მარინა ეზუგბაიამ განაცხადა.
"11 პაციენტის ჯანმრთელობის მდგომარეობა გახლავთ კრიტიკულად მძიმე, ხოლო მძიმე პაციენტების რაოდენობამ უკვე 75-ს გადააჭარბა," - განაცხადა მარინა ეზუგბაიამ.
ცნობისთვის, დღეს საქართველოში კორონავირუსის 182 ახალი შემთხვევა გამოვლინდა და ინფიცირებულთა რაოდენობა 3119-მდე გაიზარდა.