თავში

მე ამის წინააღმდეგი ვარ და ვიყავი თავიდანვე, ქვეყანა მეოთხე ტალღაშია - ფხაკაძე

მე ამის წინააღმდეგი ვარ და ვიყავი თავიდანვე, ქვეყანა მეოთხე ტალღაშია - ფხაკაძე
მე ამის წინააღმდეგი ვარ და ვიყავი თავიდანვე, ქვეყანა მეოთხე ტალღაშია - ფხაკაძე

საზოგადოებრივი ჯანდაცვის ექსპერტი გიორგი ფხაკაძე აცხადებს, რომ დაბალეფექტური ვაქცინები პანდემიას ვერ დაასრულებს. 

მისი თქმით, ნაკლებეფექტური ვაქცინით აცრილები ინფექციის გავრცელებას ხელს უწყობენ, რადგან სათანადოდ არ ფრთხილობენ. 

„ფაიზერი არის 10-ჯერ უფრო ძლიერი/ეფექტური, ვიდრე ჩინური ვაქცინები. ამას ვამბობდი პირველივე დღიდან. 

დიახ, მე ვიყავი და ახლაც ვარ საქართველოში დაბალეფექტური ვაქცინების შემოტანის წინააღმდეგი.

რამდენმა კოლეგამ, ჟურნალისტმა და ტელევიზიამ “ანტივაქსერად” მომნათლა ამის გამო, მაგრამ არაუშავს, „ტყუილს მოკლე ფეხები აქვსო”, დედაჩემმა ასე მასწავლა… დედა მასწავლიდა – ტყუილი არასდროს თქვა, ილაპარაკე მხოლოდ სიმართლე, როგორი მწარეც არ უნდა იყოს და შენთვის საზიანოც რომ იყოს, ვინაიდან დრო გავა, ტყუილი მაინც გამოაშკარავდება და სიმართლე საბოლოოდ ყოველთვის გაიმარჯვებს

საქართველოსთვის მინდა ძლიერი და მაღალეფექტური ვაქცინები – ფაიზერი, და დავასრულოთ ამით ეს ვერაგი ვირუსი.

მე-4 ტალღაშია ქვეყანა და მარტო დაბალეფექტური ვაქცინებით ეპიდემია კი არ ჩერდება, პირიქით, ხელი ეწყობა. დაბალეფექტური ვაქცინით აცრილი ადამიანი სიფრთხილეს აღარ იჩენს, ვინაიდან ჰგონია, რომ აიცრა და უსაფრთხოდაა, სინამდვილეში კი ასე არ არის.

ყველა დაბალეფექტური ვაქცინის შემდეგ უნდა იყოს გამოყენებული მაღალ ეფექტური ვაქცინა ანუ:

თუ არის გაკეთებული 1 დოზა (ჩინური ან ასტრაზენეკას ვაქცინა) მე- 2 დოზა უნდა გაკეთდეს ფაიზერი 4 კვირაში;

თუ არის გაკეთებული 2 დოზა ჩინური ან ასტრაზენეკა, მე-3 დოზა (ბუსტერი ანუ გამაძლიერებელი) უნდა გაკეთდეს ფაიზერი 4 კვირაში;

ყველგან გამოიყენეთ სამედიცინო პირბადე (აცრილებმაც და კოვიდგადატანილებმაც),“ – წერს გიორგი ფხაკაძე.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system