9 მაისი ფაშიზმზე გამარჯვების დღეა. მეორე მსოფლიო ომის დასრულებიდან 75 წელი გავიდა.
მეორე მსოფლიო ომში საქართველოდან 700 000 ადამიანი წავიდა, აქედან ნახევარი, უკან არ დაბრუნებულა.
1945 წლის 8 მაისს გერმანიის მიერ კაპიტულაციის გამოცხადების შემდეგ მეორე მსოფლიო ომი დასრულდა, 9 მაისი კი ფაშიზმზე გამარჯვების დღედ გამოცხადდა.
ომის ვეტერანები, მთავრობისა და ოპოზიციის წარმომადგენლები და მოქალაქეები, როგორც წესი, ტრადიციულად ვაკის პარკში იკრიბებიან, რათა უცნობი ჯარისკაცის საფლავს პატივი მიაგონ. 9 მაისს აღნიშნავენ საქართველოს სხვა ქალაქებშიც.
წელს, ფაშიზმზე გამარჯვების დღესთან დაკავშირებით, ვაკის პარკში შესვლა-გამოსვლას და საგანგებო მდგომარეობის ფარგლებში დაწესებული შეზღუდვების შესრულებას შინაგან საქმეთა სამინისტროს თანამშრომლები გააკონტროლებენ.
