მესტია-უშგულის გზის მონაკვეთზე ავტომობილი მდინარე მულხურაში გადავარდა. ადგილზე მობილიზებულია სამაშველო სამსახურის თანამშრომლები. "მიცუბიში დელიკას" მარკის მძღოლმა, ავტომობილის დატოვება გადავარდნამდე მოასწრო.
გამოძიება სსკ-ის 276-ე მუხლის მეორე ნაწილით დაიწყო, რაც გულისხმობს ავტომობილის, ტრამვაის, ტროლეიბუსის, ტრაქტორის ან სხვა მექანიკური სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევას იმის მიერ, ვინც ამ სატრანსპორტო საშუალებას მართავს, რამაც ჯანმრთელობის ნაკლებად მძიმე დაზიანება გამოიწვია.
