თავში

მეტროსადგურ "ავლაბრის" მიმდებარედ მიწისქვეშა გადასასვლელის რეაბილიტაცია დასრულდა 

მეტროსადგურ "ავლაბრის" მიმდებარედ მიწისქვეშა გადასასვლელის რეაბილიტაცია დასრულდა 
მეტროსადგურ ავლაბრის მიმდებარედ მიწისქვეშა გადასასვლელის რეაბილიტაცია დასრულდა 

„თბილსერვის ჯგუფმა“ მეტროსადგურ „ავლაბრისა“ და ფინანსთა სამინისტროს მიმდებარედ არსებული მიწისქვეშა გადასასვლელების რეაბილიტაცია დაასრულა. როგორც თბილისის მერიიდან report.ge-ს აცნობეს, სარემონტო სამუშაოები დაახლოებით ორი თვის განმავლობაში მიმდინარეობდა.

ავლაბრის მიწისქვეშა გადასასვლელში, გარე პარაპეტები, ჩასასვლელები და გვირაბის კედლები ქართული აგურით მოპირკეთდა; მოეწყო დეკორატიული მოაჯირები და დამწვარი გრანიტის საფეხურები; გორგასლის ქუჩაზე არსებულ მიწისქვეშა გადასასვლელში შეკეთდა და გამოიცვალა ბაზალტის ფილები; ორივე მიწისქვეშა გადასასვლელი აღიჭურვა ვიდეო-სამეთვალყურეო კამერებით და ანტივანდალური LED სანათებით. გარდა ამისა, გამოიცვალა სანიაღვრე ცხაურები და შეკეთდა გასასვლელი გვირაბების ჭერები.

რეაბილიტაციის შედეგს ადგილზე გაეცნენ ,,თბილსერვის ჯგუფის’’ დირექტორი რომეო მიქაუტაძე და დირექტორის პირველი მოადგილე დავით დოლიძე.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system