გზების დეპარტამენტის ცნობით, რიკოთის ჩქაროსნული მაგისტრალის, ხევი-უბესას მეოთხე გვირაბთან ინტენსიური წვიმის შედეგად მოხდა მეწყრულ პროცესების გააქტიურება და გზის სავალ ნაწილზე მიწის გარკვეული მასის ჩამოშლა, რომელმაც მოძრაობა ცალმხრივად შეაფერხა.
მათივე ინფორმაციით, გზების დეპარტამენტის მხრიდან საპატრულო პოლიციასთან კოორდინაციაში მიღებული იქნა მოძრაობის უსაფრთხოების ღონისძიებები და დროებით მოხდა ავტოსატრანსპორტო საშუალებებისთვის მოძრაობის შეზღუდვა, ამ დროისთვის ადგილზე მობილიზებულია საჭირო, მძიმე ტექნიკა, პერსონალი და დაწყებულია გაწმენდითი სამუშაოები. სატრანსპორტო მიმოსვლა აღდგენილი იქნება უმოკლეს ვადებში.
