მიხეილ სააკაშვილის საპრეზიდენტო ბიბლიოთეკაში ხანძარი გაჩნდა. თბილისში, კოსტავას ქუჩაზე მდებარე შენობაში საოფისე სივრცე დაიწვა. ამის შესახებ ინფორმაცია საგანგებო სიტუაციების მართვის სამსახურში დაადასტურეს.
მათი თქმით, ადგილზე მობილიზებული იყო სახანძრო-სამაშველო სამსახურის ოთხი ჯგუფი.
ხანძარი ამ დროისთვის ლოკალიზებულია.
შემთხვევის შედეგად არავინ დაშავებულა.