მსახიობი ლეილა ძიგრაშვილი 94 წლის ასაკში გარდაიცვალა.
მსახიობმა შოთა რუსთაველის სახელობის სახელმწიფო თეატრალური ინსტიტუტი 1947 წელს დაამთავრა.
1947 წელს ძიგრაშვილი ჩაირიცხა სოხუმის დრამატული თეატრის ქართულ დასში; 1948-1966წწ. თბილისის მოზარდ მაყურებელთა ქართულ თეატრში იყო, ხოლო 1966-წლიდან შოთა რუსთაველის სახელობის თეატრის მსახიობია.
მსახიობის გარდაცვალების გამო სამძიმრის წერილს ავრცელებს რუსთაველის თეატრი:
"რუსთაველის ეროვნული თეატრი ღრმა მწუხარებას გამოთქვამს საქართველოს სახალხო არტისტის ლეილა ძიგრაშვილის გარდაცვალების გამო. სამძიმარს ვუცხადებთ განსვენებულის ოჯახს" - აღნიშნულია წერილში.