ქვეყნის ცენტრალური ავტომაგისტრალის მცხეთის მონაკვეთზე ავტოსაგზაო შემთხვევა მოხდა. შედეგად 2 პირი დაშავდა. არსებული ინფორმაციით, ერთმანეთს მოტოციკლი და ველოსიპედი შეეჯახა. დაშავებულები სასწრაფო სამედიცინო დახმარების ჯგუფებმა კლინიკებში გადაიყვანეს.
საავტომობილო გზაზე შემთხვევის გამო მოძრაობა შეზღუდული იყო.
შსს-ში აცხადებენ, რომ საქმეზე გამოძიება სისხლის სამართლის კოდექსისი 276-ე მუხლით დაიწყო, რაც ავტომობილის მოძრაობის უსაფრთხოების, ან ექსპლუატაციის წესის დარღვევას გულისხმობს.
