მუხიანში, მეოთხე ბ მიკრორაიონის N34 კორპუსის მიმდებარედ, სკვერის რეაბილიტაცია მიმდინარეობს. ეწყობა ბავშვთა გასართობი ზონები, მოსასვენებელი პავილიონი, მონტაჟდება გარე განათების სისტემა, ასევე, განთავსდება სკვერისთვის საჭირო სხვა ინფრასტრუქტურა. დაირგვება ხეები და ბუჩქები, დაითესება ბალახი.
სარეაბილიტაციო სამუშაოები, გლდანის რაიონის გამგეობის დაკვეთით მიმდინარეობს და მისთვის ბიუჯეტიდან 122 221 ლარია გათვალისწინებული.
ამ ეტაპზე, გლდანის რაიონის გამგეობა სკვერებს ათ მისამართზე აწყობს.
