"ნამახვანჰესის" მოწინააღმდეგეები ამ წუთებში ფილარმონიის მიმდებარე ტერიტორიიდან გმირთა მოედნისკენ მსვლელობას მართავენ.
როგორც აქციის მონაწილეები აცხადებენ, გმირთა მოედანთან სიმბოლურად შეიკრიბებიან.
აქციების ერთ-ერთი ორგანიზატორის, ვარლამ გოლეთიანის განცხადებით, რიონის ხეობის მცველები დღეს ფილარმონიის მიმდებარე ტერიტორიაზე დარჩებიან, სადაც გზა ორმხრივად გადაიკეტება.
ცნობისთვის, ხვალ, 26 მაისს, რესპუბლიკის მოედანზე დაანონსებული აქციის შემდეგ, "ნამახვანჰესის" მოწინააღმდეგეები რიონის ხეობაში დაბრუნდებიან და უწყვეტ აქციებს გააგრძელებენ.