პარლამენტის დამოუკიდებელი წევრები, ანაკლიის განვითარების კონსორციუმის გენერალურ დირექტორს ხვდებიან.
საქართველოს პარლამენტის დამოუკიდებელი წევრების: ლევან კობერიძის, ლევან გოგიჩაიშვილის, გედევან ფოფხაძისა და კობა ნარჩემაშვილის მიწვევით, პარლამენტში, ანაკლიის განვითარების კონსორციუმის გენერალურ დირექტორთან, ლევან ახვლედიანთან შეხვედრა მიმდინარეობს.
დეპუტატების განმარტებით, შეხვედრა ანაკლიის ღრმაწყლოვანი პორტის პროექტთან დაკავშირებით საზოგადოების მაღალი ინტერესიდან გამომდინარე ჩაინიშნა, ვინაიდან აღნიშნული შეხვედრა საქართველოს პარლამენტში ღია ფორმატით ტარდება, რაც საზოგადოებას მიცემს შესაძლებლობას მიიღონ ამომწურავი პასუხები ანაკლიის პორტის საკითხებთან დაკავშირებით.
შორენა სურმანიძე
ავტორი