მიხეილ სააკაშვილის ადვოკატს, ნიკა გვარამიას იუსტიციის სამინისტროს გენერალური ინსპექციის წარმომადგენელი გაესაუბრება. ამის მიზეზი გვარამიას დღევანდელი განცხადებაა, რომლითაც მან ციხეში შესაძლო ბუნტისა და მიხეილ სააკაშვილის ლიკვიდაციის შესახებ ისაუბრა.
იუსტიციის სამინისტროს გენერალური ინსპექციის განცხადებით, გამომძიებელი გვარამიას ხვალ გამოკითხავს.
ნიკა გვარამიას ცნობით, N18 სამკურნალო დაწესებულებაში მიხეილ სააკაშვილის უსაფრთხოების დაცვის მინიმალური გარანტია არ არსებობს და მისი ციხის საავადმყოფოში გადაყვანისას იმიტირებული ბუნტი იგეგმება, რომელიც მიხეილ სააკაშვილის ლიკვიდაციით დასრულდება.
