აჭარის ჯანდაცვის მინისტრი ნინო ნიჟარაძე მოქალაქეებს მოუწოდებს, დაიცვან მარტივი რეკომენდაციები და აუცილებელი საჭიროების გარეშე არ დატოვონ სახლები.
მისივე თქმით, მოკლევადიან შემაკავებელი ღონისძიებებს დიდი მნიშვნელობა აქვს და მოსახლეობამ ეს მინიმალური შეზღუდვები უნდა გაითვალისწინოს.
"ვერ დადგება უნივერსალური შედეგი, თუკი მოსახლეობაც არ მოინდომებს. აქამდე მიმდინარე რეგულაციებმა, ვნახეთ, შედეგი ვერ გამოიღო, ამიტომაც დაწესდა მინიმალური შეზღუდვები, ეს არის მოკლევადიანი შემაკავებელი ღონისძიებები, რასაც დიდი მნიშვნელობა აქვს, რათა მეტი ჯანმრთელი ადამიანი შენარჩუნდეს. მოსახლეობა უნდა დარჩეს სახლში, უნდა შემცირდეს მობილობა აუცილებელი საჭიროების გარდა და ეს პრობლემა მოკლე ვადაში იქნება დასრულებული," - განაცხადა ნინო ნიჟარაძემ.
