თბილისის მეტროში შეფერხება აღმოფხვრილია და მატარებლები ორივე ხაზზე სრული დატვირთვით მოძრაობენ. ამის შესახებ report.ge- ს თბილისის სატრანსპორტო კომპანიაში განუცხადეს.
შეგახსენებთ, რომ თბილისის მეტროს პირველ ხაზზე მატარებლები სადგურის მოედნიდან ვარკეთილის მიმართულებით არ მოძრაობდნენ.
მიზეზი ტექნიკური პრობლემები იყო და მატარებლები პირველ ხაზზე მხოლოდ ზონალურად, ახმეტელიდან სადგურის მოედნამდე მოძრაობენ.
სადგურიდან ვარკეთილის მიმართულებით კი დაახლოებით 20 წუთის განმავლობაში შეჩერებული იყო მგზავრთა მიღება.
