ოკუპირებულ აფხაზეთში კორონავირუსით ინფიცირებულთა და გარდაცვლილთა რიცხვი გაიზარდა.
ე.წ ჯანდაცვის სამინისტროს ინფორმაციით, გასული დღე-ღამის განმავლობაში კორონავირუსზე ტესტირება ჩაუტარდა 269 ადამიანს, მათგან კორონავირუსი 90-ს დაუდასტურდა. ვირუსით კიდევ ერთი ადამიანი გარდაიცვალა.
კოვიდცენტრებში 119 პაციენტი მკურნალობს, მათგან 30-ის მდგომარეობა მძიმეა.
ოკუპირებულ აფხაზეთში კორონავირუსით ინფიცირების 5 648 შემთხვევაა დაფიქსირებული. გამოჯანმრთელებულთა საერთო რაოდენობა 3 654 გახდა. 74 კოვიდდადასტურებული პაციენტი გარდაიცვალა.
