გასული დღე-ღამის განმავლობაში ოკუპირებულ აფხაზეთში კორონავირუსზე ტესტირება 446 ადამიანს ჩაუტარდა, მათგან 108-ს კორონავირუსი დაუდასტურდა.
ოკუპირებული აფხაზეთის ე.წ ჯანდაცვის სამინისტროს ინფორმაციით, ხუთ კოვიდცენტრში 236 პაციენტი მკურნალობს, მათგან 21-ის მდგომარეობა მძიმეა.
გარდაიცვალა კიდევ ოთხი კოვიდინფიცირებული პაციენტი. სულ აფხაზეთში კორონავირუსით 91 ადამიანია გარდაცვლილი.
რეგიონში ამ დროისთვის კოვიდინფიცირებულთა რაოდენობა შეადგენს 6 619-ს, აქედან გამოჯანმრთელდა 4 845.