კორონავირუსის 46 ახალი შემთხვევა დადასტურდა ოკუპირებულ აფხაზეთში. ამის შესახებ ინფორმაციას ე.წ. ოპერატიული შტაბი ავრცელებს.
ადგილობრივი მედიის ინფორმაციით, რეგიონში ვირუსის დადასტურებული შემთხვევების რაოდენობა შეადგენს 1332-ს, ხოლო გამოჯანმრთელდა 400 პაციენტი, გარდაიცვალა 9 ადამიანი.
მათივე ცნობით, ოკუპირებულ აფხაზეთში გასულ დღე - ღამეში 160 პირს ჩაუტარდა ტესტირება.