გასული დღე-ღამის განმავლობაში ოკუპირებულ აფხაზეთში კორონავირუსზე ტესტირება 525 ადამიანს ჩაუტარდა, მათგან 104-ს ვირუსი დაუდასტურდა.
კორონავირუსით კიდევ სამი ადამიანი გარდაიცვალა.
ე.წ. ჯანდაცვის სამინისტროს ინფორმაციით, ექვს კოვიდცენტრში 249 კოვიდინფიცირებული პაციენტი მკურნალობს, მათგან 32-ის მდგომარეობა მძიმეა.
პანდემიის დაწყებიდან დღემდე, ოკუპირებულ აფხაზეთში კორონავირუსით ინფიცირების 8563 შემთხვევაა გამოვლენილი, მათგან 6746 პაციენტი გამოჯანმრთელდა, 111 გარდაიცვალა.