თბილისში, ყიფშიძის ქუჩაზე დაჭრილი ორი მამაკაციდან ერთ-ერთს ამ წუთებში ოპერაცია უტარდება. მეორე დაჭრილის მდგომარეობა კი სტაბილურია. ამის შესახებ report.ge-ს ხეჩინაშვილის სახელობის საუნივერსიტეტო კლინიკის ანესთეზიოლოგიური და რეანიმაციის განყოფილების ხელმძღვანელმა ნიკა კვაჭაძემ განუცხადა.
,,ოპერაცია უტარდება, ამ ეტაპზე მისი მდგომარეობის შესახებ სხვას ვერაფერს ვიტყვი. რაც შეეხება მეორე დაჭრილს, მეთვალყურეობის ქვეშ არის გადაუდებელი დახმარების განყოფილებაში, მისი მდგომარეობა სტაბილურია", - განუცხადა report.ge-ს ნიკა კვაჭაძემ.
მომხდარზე გამოძიება სისხლის სამართლის კოდექსის 19-108-ე მუხლითა და 236-ე მუხლის მე-3 და მე-4 ნაწილით მიმდინარეობს.
სისხლის სამართლის კოდექსის 19-108-ე მუხლი განზრახ მკვლელობის მცდელობას, ხოლო 236-ე მუხლი ცეცხლსასროლი იარაღის უკანონო შეძენა-შენახვა-ტარებას გულისხმობს.
შორენა სურმანიძე
ავტორი