ორბელიანის მოედნის მიმდებარედ, ფურცელაძის ქუჩის შენობებს რეაბილიტაცია ჩაუტარდა. წარდგენას დღეს დედაქალაქის მერი კახა კალაძე გაუძღვა. მისი განცხადებით, რეაბილიტაციის დროს შენობის ერთი ნაწილი მთლიანად ჩამოინგრა, რის გამოც ფაქტობრივად ახალი სახლის მშენებლობა გახდა საჭირო. კალაძემ ისიც აღნიშნა, რომ შენობაში მცხოვრები ოჯახებისთვის შიდა სარემონტო სამუშაოებიც ჩატარდა და მათ განახლებული, გარემონტებული ბინები ჩაბარდათ.
"ორბელიანის მოედნის მიმდებარედ კიდევ ერთი ქუჩის რეაბილიტაცია დავამთავრეთ, აქ მცხოვრებ ადამიანებს, რეაბილიტაციის შემდგომ გადაეცათ გარემონტებული სახლები. ძალიან მძიმე მდგომარეობა იყო გამომდინარე იქედან, რომ გარკვეული ნაწილი რეაბილიტაციას არ ექვემდებარებოდა. დანგრეული იყო და რეაბილიტაციის დროს ჩამოინგრა ერთი ნაწილი. რისი აღდგენაც შეიძლებოდა აღდგენილია, მოწესრიგებულია", - განაცხადა კახა კალაძემ.
