თავში

"ოცნების" ოფისთან პირველი არხის ჟურნალისტი ირაკლი აბსანძე დააკავეს

"ოცნების" ოფისთან პირველი არხის ჟურნალისტი ირაკლი აბსანძე დააკავეს
ოცნების ოფისთან პირველი არხის ჟურნალისტი ირაკლი აბსანძე დააკავეს

"ქართული ოცნების" ოფისთან გამართულ აქციაზე სამართალდამცველებმა საქართველოს პირველი არხის გადაცემა "კვირის ინტერვიუს"  წამყვანი ირაკლი აბსანძე დააკავეს.

ჟურნალისტი ადმინისტრაციული წესით არის დაკავებული. 

შსს-ს ცნობით, "ოცნების" ოფისთან დაპირისპირებისას პოლიციამ 12 პირი დააკავა.

ცნობისთვის, რუსთაველის გამზირზე, პარლამენტთან მიმდინარე აქციის მონაწილეებმა "ქართული ოცნების" ოფისთან, შსს-ში გამართული ბრიფინგის შემდეგ გადაინაცვლეს.

აქციის მონაწილეების განცხადებით, ლექსო ლაშქარავას გარდაცვალების მიზეზებთან დაკავშირებით შსს-ს ვერსია მიუღებელია.

შეგახსენებთ, 5 ივლისს, თბილისში, რუსთაველის გამზირზე, "თბილისი პრაიდის" კვირეულის მოწინააღმდეგე რადიკალური ჯგუფები ჟურნალისტებს თავს დაესხნენ.

შსს-ს ინფორმაციით, 5 ივლისს, ძალადობის მსხვერპლი 55 ადამიანი გახდა, მათ შორის 53 მედიის წარმომადგენელია.

რადიკალური ჯგუფები, მედიის წარმომადგენლებს 6 ივლისსაც დაესხნენ თავს.

"ტვ პირველის" ოპერატორს, ლექსო ლაშქარავას 5 ივლისის მოვლენებისას ფიზიკურად გაუსწორდნენ.

ის რამდენიმე დღის განმავლობაში "ნიუ ჰოსპიტალსში" მკურნალობდა.

11 ივლისს კი საკუთარ სახლში გარდაცვლილი ნახეს.

უკვე მეორე დღეა პარლამენტთან, 5-6 ივლისს, ქვეყანაში მომხდარ ძალადობრივ ფაქტებს აპროტესტებენ. 

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

ეს ახალი ამბები სხვა ენებზეც ხელმისაწვდომია:

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system