ოზურგეთში, კორონავირუსით ინფიცირებული პედაგოგი წესების დარღვევისთვის დააჯარიმეს.
გურიის დაავადებათა კონტროლის ეროვნული ცენტრის ხელმძღვანელის, არჩილ მჟავიას ინფორმაციით, პაციენტი სახლში გადიოდა მკურნალობის კურსს.
მჟავიას თქმით, მან დეტალები არ იცის, თუმცა, ვარაუდობს, რომ ინფიცირებული პედაგოგი წესებს არ იცავდა. მისივე ინფორმაციით, პაციენტი საკარანტინო სასტუმროში გადაიყვანეს.
გურიაში ამ დროისთვის კორონავირუსის 96 შემთხვევაა გამოვლენილი.
