ოზურგეთში თვითიზოლაციაში ერთი პირი რჩება. ამის შესახებ ინფორმაციას ქალაქის საზოგადოებრივი ჯანდაცვის ცენტრი ავრცელებს. მათი ცნობით, ამ პირის ჯანმრთელობის მდგომარეობა სტაბილურია.
„საკოორდინაციო საბჭო უწყვეტ რეჟიმში აგრძელებს მუშაობას. ჩვენ რეგულარულად ვაგრძელებთ სოციალურად დაუცველი და მოწყვლადი ჯგუფების საკვები პროდუქტებით დახმარებას. მოვუწოდებ მოსახლეობას, თავი შეიკავონ ქუჩებში გადაადგილებისგან და დარჩნენ სახლში“, – განაცხადა ოზურგეთის საკოორდინაციო საბჭოს თავმჯდომარემ, ირაკლი სირაძემ.