პარლამენტის წინ მედიისა და სამოქალაქო საზოგადოების საპროტესტო აქცია მიმდინარეობს.
აქციაზე სიტყვით გამოსვლები ამ წუთებში დაიწყო.
აქციის მონაწილეები 5-6 ივლისს განვითარებულ მოვლენებს და მედიის მიმართ განხორციელებულ ძალადობას აპროტესტებენ.
მათი მთავარი მოთხოვნაა, გადადგეს საქართველოს პრემიერ-მინისტრი ირაკლი ღარიბაშვილი და მთავრობა.
რუსთაველის გამზირზე, პარლამენტის მიმდებარედ მოძრაობა გადაკეტილია.
მედიის წარმომადგენლების ორგანიზებით პარლამენტთან საპროტესტო აქცია გუშინაც გაიმართა.
შეგახსენებთ, 5 ივლისს, თბილისში, რუსთაველის გამზირზე, "თბილისი პრაიდის" კვირეულის მოწინააღმდეგე რადიკალური ჯგუფები ჟურნალისტებს თავს დაესხნენ.
შსს-ს ინფორმაციით, 5 ივლისს, ძალადობის მსხვერპლი 55 ადამიანი გახდა, მათ შორის 53 მედიის წარმომადგენელია.
რადიკალური ჯგუფები, მედიის წარმომადგენლებს 6 ივლისსაც დაესხნენ თავს.
"ტვ პირველის" ოპერატორს, ლექსო ლაშქარავას 5 ივლისის მოვლენებისას ფიზიკურად გაუსწორდნენ.
ის რამდენიმე დღის განმავლობაში "ნიუ ჰოსპიტალსში" მკურნალობდა.
11 ივლისს კი საკუთარ სახლში გარდაცვლილი ნახეს.
