არასამთავრობო ორგანიზაციების და ბავშვთა უფლებადამცველების საპროტესტო აქცია იმართება რუსთაველის გამზირზე. აქციის მონაწილეები ნინოწმინდის პანსიონიდან ბავშვთა დროულად გამოყვანას და მონიტორინგის მიზნით სახალხო დამცველის დაშვებას მოითხოვენ.
აქციის მონაწილეები პარლამენტის შენობასთან შეიკრიბნენ, სადაც ულტრანაციონალისტური ჯგუფების კონტრაქცია იმართება. გურამ ფალავანდიშვილი და მისი მხარდამჭერები აცხადებენ, რომ აქციის მონაწილეები ავრცელებენ არასწორ შეხედულებებს. ისინი მხარს ნინოწმინდის მეურვე მეუფე სპირიდონს უჭერენ.
ორ აქციას ერთმანეთისგან პოლიციის კორდონი ყოფს.
