აჭარის უმაღლესი საარჩევნო კომისიის შენობასთან აქცია-პერფორმანსი გაიმართა.
აქციის მონაწილეებმა არჩევნების შემაჯამებელი ოქმის შედეგები გააპროტესტეს.
პერფორმანსის ფარგლებში, აქციის მონაწილეებმა აჭარის უმაღლესი საარჩევნო კომისიის თავმჯდომარეს, პარმენ ჯალაღონიას ე. წ. სერტიფიკატი მიუტანეს, რომელზეც წერია, რომ სწორედ ის არის მთავარი გამყალბებელი.
აქციის მონაწილეები ჯალაღონიასთვის სერტიფიკატის გადაცემას და შენობაში შესვლას ცდილობდნენ, თუმცა სამართალდამცველებმა მათ ამის საშუალება არ მისცეს.
