საქართველოს კათალიკოს-პატრიარქმა ილია მეორემ აშშ-ის ელჩ კელი დეგნანს ამერიკის დამოუკიდებლობის დღესთან დაკავშირებით მილოცვა გაუგზავნა.
"ამერიკის შეერთებული შტატების დამოუკიდებლობის დღის გამოცხადების 245-ე წლისთავს ვულოცავთ ამერიკელ ხალხს, ხელისუფალთ და ყველას, ვისთვისაც ძვირფასია ნამდვილი თავისუფლება და დამოუკიდებლობა.
ღმერთმა დალოცოს და მშვიდობით აკურთხოს ჩვენი ქვეყნები და მოსახლეობა.
ღმერთმა დალოცოს მთელი მსოფლიო", - ნათქვამია პატრიარქის წერილში.