თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კლინიკაში მოთავსებული პაციენტებიდან, შვიდის მდგომარეობა მძიმეა, ორის კი განსაკუთრებით მძიმე.
როგორც მარინა ეზუგბაიამ ჟურნალისტებს განუცხადა, დღეს დადასტურებული 9 შემთხვევიდან ინფექციური საავადმყოფოს პაციენტი არც ერთი არაა.
მისივე თქმით, დღეს კიდევ 7 პაციენტის პასუხს ელოდებიან.
ამ დროისათვის, საქართველოში კორონავირუსის 227 შემთხვევაა დადატურებული.
გამოჯანმრთელებულია 52 ადამიანი.
ქვეყანაში კორონავირუსით 3 ადამიანია გარდაცვლილი.