დაავადებათა კონტროლის ეროვნული ცენტრის ხელმძღვანელი ამირან გამყრელიძე აცხადებს, რომ პირბადის ტარების მაჩვენებელი ქვეყანაში დაბალია, რის გამოც შესაძლოა პანდემიის მეხუთე ტალღა რთული იყოს ქვეყნის მოსახლეობისთვის. მისი განცხადებით ამ მაჩვენებლის 43%-ზე დასვლა დაუშვებელია.
ამირან გამყრელიძე მოსახლეობას აცრებისკენ მოუწოდებს.
"თუ აცრების რაოდენობა მნიშვნელოვნად გაიზარდა ოქტომბერ-ნოემბერში, მაშინ მეხუთე ტალღა კიდევ უფრო გადავადდება და იქნება შედარებით მსუბუქი. მეხუთე ტალღის დაწყება დამოკიდებულია იმაზე, თუ როგორი იქნება რესპირაციული ვირუსების სეზონი" - განაცხადა ამირან გამყრელიძემ.
გასული დღე-ღამის განმავლობაში ქვეყანაში Covid 19-ის 1 132 ახალი შემთხვევა გამოვლინდა. დადებითობის მაჩვენებელი კი 5.44%-ია.