პირბადის ტარების წესის დარღვევისთვის შესაძლოა ჯარიმა დაწესდეს. განცხადება ფრაქცია "ქართული ოცნების" თავმჯდომარემ გააკეთა. რატი იონათამიშვილის თქმით ამ მიმართულებით გუნდი აქტიურად მუშაობს.
„ამაზე ჩვენ დღეს უკვე აქტიურად ვმუშაობთ. ძალიან მალე გვექნება კონკრეტული ინიციატივა და ამას გავაცნობთ ჩვენს საზოგადოებას“, - განაცხადა რატი იონათამიშვილმა.
შეგახსენებთ, რომ 17 აპრილიდან საქართველოში, დახურულ სივრცეში პირბადეების ტარება სავალდებულო გახდა. შეზღუდვების შემსუბუქების მიუხედავად პირბადის გამოყენება კვლავ სავალდებულოა.
