საზოგადოებრივი ჯანდაცვის ექსპერტის, გიორგი ფხაკაძის განცხადებით, პირბადის გამოყენებისთვის ყველაზე ოპტიმალური დრო სამი საათია.
მისივე თქმით, პირბადის ჯიბეში ჩადება არ შეიძლება.
"არ შეიძლება როცა გამოიყენებთ პირბადეს, მერე ჩაიდოთ ჯიბეში. მისი მთელი ფუნქციაა, რომ არის ერთჯერადი, მისი გამოყენებისთვის ყველაზე კარგი არის სამი საათი. მაგრამ თუ ადამიანი არის საწარმოში და ტექნიკური მიზეზების გამო ვერ იხსნის, შეიძლება ეკეთოს რვა საათამდე. ყველაზე ეფექტური დრო არის სამი-ოთხი საათი. პირბადე არის როგორც ქაღალდის ხელსახოცი, მეორედ ხომ ვერ გამოიყენებ? ზუსტად იგივე პრინციპია, ერთხელ გამოიყენებ და მორჩა", – განაცხადა გიორგი ფხაკაძემ გადაცემა "თავისუფალ სივრცეში"
