სამართალდამცველებმა ყვარელში გაუჩინარებული ახალგაზრდა კაცი იპოვეს. ინფორმაცია report.ge-ს შინაგან საქმეთა სამინისტროში დაუდასტურეს.
report.ge-ს ინფორმაციით ახალგაზრდა სახლიდან ოჯახური დაპირისპირების ნიადაგზე წავიდა. მისი გაუჩინარების მოტივი მეუღლის შეშინება იყო. ახალგაზრდა კაცი ოჯახის წევრებს ჯანმრთელი დაუბრუნდა.
ცნობისთვის, ყვარელში ახალგაზრდა კაცი 29 სექტემბერს, დაახლოებით 17:00 საათზე გაუჩინარდა, რის გამოც ოჯახის წევრებმა დახმარებისთვის სამართალდამცველებს მიმართეს.
ფაქტზე გამოძიება სისხლის სამართლის კოდექსის 143-ე მუხლით დაიწყო, რაც თავისუფლების უკანონო აღკვეთას გულისხმობს.
