თავში

პრეზიდენტი: მოვუწოდებ შესაბამის სტრუქტურებს უახლოეს დროში მოხდეს თავდასხმის გამოძიება

პრეზიდენტი: მოვუწოდებ შესაბამის სტრუქტურებს უახლოეს დროში მოხდეს თავდასხმის გამოძიება
პრეზიდენტი: მოვუწოდებ შესაბამის სტრუქტურებს უახლოეს დროში მოხდეს თავდასხმის გამოძიება

საქართველოს პრეზიდენტი სალომე ზურაბიშვილი ლუგარის ლაბორატორიაზე განხორციელებულ კიბერთავდასხმას ეხმაურება და შესაბამის სტრუქტურებს მოუწოდებს, ფაქტი დროულად გამოიძიონ. 

,,ლუგარის ცენტრის წინააღმდეგ განხორციელებული შეტევა, მით უფრო დღეს, პანდემიის პირობებში, როცა ლაბორატორიის როლი უმნიშვნელოვანესია ადამიანების სიცოცხლის გადარჩენის საქმეში, ანტიჰუმანურ აქტად უნდა შეფასდეს.

ცხადია, შეტევის მიზანი მხოლოდ ლაბორატორიის პარალიზება არ ყოფილა.

ერთი მხრივ, ეს საქართველოს დაშინების მორიგი მცდელობაა. ასევე, ნიშანდობლივია და მთელ რიგ კითხვებს ბადებს თავდასხმისათვის შერჩეული დრო და ის უსუსური მინიშნებები და მცდელობები, რაც პასუხისმგებლობის თავიდან აცილების მიზნით გამოიყენა რუსულმა მხარემ ალექსეი ნავალნის მოწამვლისას გამოყენებული ნივთიერების წარმომავლობასთან დაკავშირებით.

მოვუწოდებ ყველა შესაბამის სტრუქტურას უახლოეს დროში მოხდეს ლუგარის ცენტრზე განხორციელებული თავდასხმის გამოძიება", - აცხადებს პრეზიდენტი.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system