რისკების თავიდან აცილების მიზნით, საქართველოს პრეზიდენტი თვითიზოლაციაში გადადის, მიუხედავად იმისა, რომ ის COVID-19-ის საწინააღმდეგო ვაქცინის პირველი დოზით უკვე აცრილია - ამის შესახებ report.ge-ს პრეზიდენტის ადმინისტრაციიდან აცნობეს.
"აღნიშნული პროცესის პარალელურად, პრეზიდენტი PCR ტესტს არსებული პროტოკოლის შესაბამისად იკეთებს" - ნათქვამია ინფორმაციაში.
ცნობისთვის, საქართველოს პრემიერ-მინისტრ ირაკლი ღარიბაშვილს, გეგმური ტესტირების შედეგად, კორონავირუსი დაუდასტურდა. პრემიერ-მინსიტრმა ჯანმრთელობის მდგომარეობის შესახებ სოციალურ ქსელში დაწერა.
სალომე ზურაბიშვილი ირაკლი ღარიბაშვილთან ერთად გურამ დოჩანაშვილის სამძიმარზე იმყიფებოდა.
საქართველოს პრეზიდენტმა, სალომე ზურაბიშვილმა, კორონავირუსის საწინააღმდეგო ვაქცინა 18 მარტს, პირდაპირ ეთერში გაიკეთა. პრეზიდენტი ვაქცინაცია ინფექციური პათოლოგიისა და შიდსის ცენტრში შედგა.
პრეზიდენტმა განმარტა, რატომ აიცრა ურიგოდ.
